DÜNYA


Şiddətli davam edən sel və daşqınlar Türkiyədə iki körpünü uçurub

Ankara, 27 iyun, AZƏRTAC

Türkiyənin Qara dəniz sahillərinə yaxın bölgələrdə güclü yağış və sel səbəbindən yaranan daşqınlar böyük fəsadlar törədib. Leysan, sel və daşqınlar davam edir.

AZƏRTAC xəbər verir ki, ən güclü leysan Kastomunu vilayəti ərazisində müşahidə olunur. Güclü sel vilayətin İnebolu bölgəsində iki körpünü, aşağı səviyyədə olan avtoparkları və yaşıllıq əraziləri yuyub aparıb.

Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyinin (AFAD) xilasedici qüvvələri təbii fəlakət bölgəsinə cəlb olunublar.

Metroloqlar Anadolunun şimal-şərqində, eləcə də Ankara vilayəti bölgəsində güclü yağış, sel və daşqınların davam edəcəyi barədə əhaliyə xəbərdarlıq ediblər.

 

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.