İDMAN


Sindzi Kaqava “Beşitkaş” klubunda qalmaq istədiyini bildirib

Bakı, 13 mart, AZƏRTAC

İcarə əsasında “Beşiktaş” futbol klubunda çıxış edən yaponiyalı hücumçu Sindzi Kaqava Türkiyədə qalmaq istədiyini bildirib.

AZƏRTAC Türkiyə mətbuatına istinadla xəbər verir ki, qış transfer pəncərəsində Almaniyanın “Borussiya” klubundan mövsümün sonunadək icarəyə götürülən 29 yaşlı futbolçu sosial şəbəkədə yazdığı statusda heç vaxt görmədiyi azarkeş dəstəyini və sevgisini “Beşiktaş” tərəfdarlarında müşahidə etdiyini bildirib. O, həmçinin yeni mövsümdə İstanbul klubunda qalmaq istədiyini qeyd edib.

“Beşiktaş”da keçirdiyi beş oyunda üç dəfə fərqlənən futbolçu ilə bağlanan müqaviləyə əsasən, İstanbul təmsilçisi istədiyi təqdirdə mövsümün sonunda onu transfer edə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.