DÜNYA


Sinqapurda “əkiz” göydələnlər tikiləcək

Sinqapurda “əkiz” göydələnlər tikiləcək

Bakı, 30 noyabr, AZƏRTAC

Sinqapurdakı “Avenue South Residence” göydələn layihəsi “ADPP” memarlıq studiyası tərəfindən təqdim edilib.

AZƏRTAC xarici saytlara istinadla xəbər verir ki, layihə çərçivəsində 56 mərtəbəli “əkiz” binaların ucaldılması nəzərdə tutulur. Onların özəlliyi isə müasir yığma texnologiyaların tətbiqi ilə bağlıdır.

Binaların mənzil strukturunun təxminən 80 faizi ərazidən kənarda tikiləcək, burada modulların montajından əvvəl hidroizolyasiya, kirəmit, rəngləmə, şüşələmə, doğrama və santexnika işləri görüləcək.

Kompleksdə 988 mənzil, o cümlədən bir neçə ticarət obyekti, uşaq bağçası, restoran və kafe nəzərdə tutulub.

Layihənin 2023-cü ilin üçüncü rübündə başa çatdırılması planlaşdırılır. Mütəxəssislərin fikrincə, bu, dünyada yığma konstruksiyalı ən hündür göydələn olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.