CƏMİYYƏT


Siyəzəndə bölgə vətəndaşlarına ödənişsiz hüquqi yardım göstəriləcək

Bakı, 5 noyabr, AZƏRTAC 

Noyabrın 9-da Siyəzən rayon Heydər Əliyev Mərkəzində bir qrup vəkil tərəfindən ətraf rayonlarda yaşayan vətəndaşlara ödənişsiz hüquqi yardım göstəriləcək.

Vəkillər Kollegiyasından AZƏRTAC-a bildiriblər ki, Dövlət Bayrağı Gününə həsr edilmiş tədbir saat 10:00-dan 13:00-dək davam edəcək.

Bu kimi tədbirlər respublikanın digər regionlarında da müntəzəm olaraq keçiriləcək.

Qeyd edək ki, “Azərbaycan Respublikasında vəkilliyin inkişafı ilə bağlı əlavə tədbirlər haqqında” Azərbaycan Respublikası Prezidentinin 2018-ci il 22 fevral tarixli Sərəncamı ilə Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsinin təşkil edilməsi tövsiyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.