REGİONLAR


Son 5 ildə Balakəndə ümumi məhsul buraxılışının həcmi 42 faiz artıb

Balakən, 8 fevral, Mustafa Dadaşov, AZƏRTAC

Azərbaycan Respublikası regionlarının 2014-2018-ci illərdə sosial-iqtisadi inkişafına dair üçüncü Dövlət Proqramında Balakən rayonu üzrə nəzərdə tutulan tədbirlərin uğurlu icrası nəticəsində son illər rayonun sosial-iqtisadi həyatında əsaslı dəyişikliklər baş verib, rayon iqtisadiyyatı dinamik inkişaf edib, əhalinin rifahı yüksəlib. Belə ki, son 5 ildə rayonda ümumi məhsul buraxılışının həcmi 42 faiz artaraq 197 milyon manata çatıb. Həmin dövrdə sənayedə məhsul istehsalı 4,2 dəfə, kənd təsərrüfatı məhsulları istehsalı isə 22,7 faiz artıb.

Bu barədə AZƏRTAC-ın bölgə müxbirinə Balakən Rayon İcra Hakimiyyətinin sosial-iqtisadi inkişafın təhlili və proqnozlaşdırılması şöbəsindən məlumat verilib.

Qurumdan bildiriblər ki, son 5 ildə balakənli sahibkarlara 95 layihə üzrə 2,6 milyon manat güzəştli kredit verilib, nəticədə 218 yeni iş yeri yaradılıb. Həmin dövrdə kənd təsərrüfatı məhsullarının istehalçılarına dövlət tərəfindən 1,9 milyon manat məbləğində yardım edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.