DÜNYA


Son gündə Özbəkistanda koronavirusa 757 nəfər yoluxub

Daşkənd, 11 sentyabr, АZƏRTAC

Son 24 saat ərzində Özbəkistanda COVID-19 koronavirusuna yoluxanların sayı yenidən kəskin surətdə artıb. Dünən yeni yoluxanların sayı 525 olmuşdursa, bu gün bu rəqəm 757-dir. Pandemiya dövründə belə xəstələrin sayı 45 min 927 nəfərə çatıb.

AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, indiyədək koronavirusa ən yüksək yoluxma halı avqustun 6-da qeydə alınıb və o vaxt bu rəqəm 700-dən yuxarı olub. Bildirilir ki, son sutkada virusdan 7 pasiyent dünyasını dəyişib və bu xəstəlikdən ölənlərin sayı 375 nəfərə çatıb.

Qeyd olunur ki, xəstəxanalarda 2 min 997 pasiyent var, onların 439-nun vəziyyəti ağır, 218-nin kritikdir.

Vurğulanır ki, son gündə infeksiyadan 343 xəstə sağalıb, ümumiyyətlə isə 42 min 555 nəfər sağalaraq evə buraxılıb.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.