İDMAN


Stolüstü tennisçilərimiz Latviyada keçirilən beynəlxalq turnirdə uğurla çıxış ediblər

Bakı, 17 fevral, AZƏRTAC

Latviyada stolüstü tennis üzrə Riqa gənclər kuboku uğrunda beynəlxalq turnir keçirilib. Avropanın 17 ölkəsindən 350 idmançının qatıldığı yarışda Azərbaycanı üç yaş kateqoriyasında altı idmançı təmsil edib.

Azərbaycan Stolüstü Tennis Federasiyasından AZƏRTAC-a bildiriblər ki, yarışda komandamız uğurla çıxış edərək 2 qızıl və 2 bürünc medal qazanıb. Turnirdə 2008-ci il və daha kiçik təvəllüdlü idmançıların mübarizəsində Adil Əhmədzadə birinci yeri tutub. Ölkəmizi iki yaş qrupunda qızların yarışında təmsil edən Mərziyyə Nürmətova isə 2008-ci il və daha kiçik təvəllüdlü idmançıların mübarizəsində qızıl medala, 2005-2007-ci il təvəllüdlülərin yarışında isə bürünc medala layiq görülüb. Komandamızın daha bir üzvü - Hüseyn Eylazov 2005-2007-ci il təvəllüdlülərin yarışında bürünc medal əldə edib.

Qeyd edək ki, stolüstü tennisçilərimiz fevralın 3-dən 8-dək Çexiyanın Ostrava şəhərində Avropa Stolüstü Tennis Birliyinin “Eurotalents U-13” layihəsi çərçivəsində beynəlxalq təlim-məşq toplanışında iştirak ediblər. Bu toplanışlarda idmançılarımızın qazandıqları təcrübə müxtəlif yarışlarda uğurla çıxış etmək üçün geniş imkanlar yaradır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.