TƏRTƏRDƏ “AÇIQ QAPI” GÜNLƏRİ KEÇİRİLİR
Tərtər rayonunda vətəndaşların ərizə və şikayətlərinə baxılmasına, onların qəbuluna diqqət artırılmışdır.
Rayon icra hakimiyyətindən AZƏRTAC-ın müxbirinə bildirmişlər ki, bu ilin 9 ayı ərzində vətəndaşlardan daxil olan şikayətlərin əksəriyyəti müsbət həll edilmişdir. Bu məqsədlə keçirilən “Açıq qapı” günlərində icra hakimiyyətinin, hüquq mühafizə orqanlarının, xidmət sahələrinin, bələdiyyələrin nümayəndələri yaşayış məntəqələrində, o cümlədən qaçqın və məcburi köçkünlərin məskunlaşdıqları şəhərciklərdə vətəndaşlarla görüşür, onların sosial problemlərini diqqətlə öyrənir, lazımi tədbirlər görürlər.