DÜNYA


Tacikistanda təbii fəlakət nəticəsində 9 nəfər ölüb

Düşənbə, 13 may, АZƏRTAC

Mayın 11-dən başlayaraq Tacikistanın Xatlon, Kulyab və Qissar vilayətlərində baş verən sel və daşqın nəticəsində 9 nəfər ölüb, yaralılar var.

AZƏRTAC Tacikistan Fövqəladə Hallar Nazirliyinin mətbuat xidmətinə istinadla xəbər verir ki, Xatlon vilayətinin infrastruktur obyektlərinə, mülki evlərə, yüzlərlə metr avtomobil yoluna, məişət obyektlərinə daha çox ziyan dəyib, 4 körpü dağılıb, ev heyvanlarını sel aparıb.

Ümumiyyətlə ölkənin 15 rayonu təbii fəlakət zonası elan olunub.

Tacikistan Prezidenti Emomali Rahmonun tapşırığı ilə Baş nazir Kaxir Rasulzodanın rəhbərliyi ilə Hökumət Komissiyası yaradılıb. Təbii fəlakətin vurduğu ziyanın aradan qaldırılması istiqamətində iş aparılır. Dəyən zərərin həcmi hesablanır.

Qulu Kəngərli

AZƏRTAC-ın xüsusi müxbiri

Düşənbə 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.