DÜNYA


Tbilisi meriyası Kür çayının məişət tullantılarından təmizlənməsinə başlayıb

Tbilisi, 9 may, AZƏRTAC

Tbilisi şəhər meriyası Cənubi Qafqazda ən böyük çay olan Kür çayının məişət tullantılarından təmizlənməsinə başlayıb.

AZƏRTAC xəbər verir ki, təmizlik işlərini “Tbilisiservis qrup” və meriyanın infrastrukturun inkişafı xidməti həyata keçirir.

Təmizlik işlərinə Metexi körpüsündən başlanılıb və əməkdaşlar Kür çayını polietilen paket və plastik qablardan təmizləyirlər.

Qeyd edək ki, Kür çayının həddən artıq çirklənməsi ilə bağlı AZƏRTAC Gürcüstanın əlaqədar təşkilatlarına müraciət etmişdi. Bundan başqa, Estoniya səfirliyi “Facebook” səhifəsində Kür çayının çirklənməsi ilə bağlı fotomateriallar yerləşdirib.

Artıq çayın böyük bir hissəsi məişət tullantılarından təmizlənib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.