DÜNYA


“Tokio 2020” Olimpiya Oyunlarının başlamasına bir il qalır

Tokio, 24 iyul, AZƏRTAC

2020-ci ildə Tokioda keçiriləcək Olimpiya və Paralimpiya Oyunlarının başlamasına düz bir il qalır və bu idman bayramına hazırlıqlar plan üzrə davam edir.

AZƏRTAC xəbər verir ki, gələn il iyulun 24-dən avqustun 9-dək planetimizin bütün guşələrindən olan insanlar Yaponiyada təşkil ediləcək bu yarışları izləyəcək. 17 gün ərzində minlərlə atlet idmanın 33 növü üzrə Olimpiya proqramına daxil ediləcək rekord sayda – 339 idman yarışına qatılacaq.

Tokio rəsmiləri hazırda 42 Olimpiya obyektində, həmçinin Atletlər kəndində işlərin uğurla davam etdirildiyini bildirirlər. Həmin obyektlərdə tikinti işləri başa çatdırıldıqdan sonra onların belə nəhəng tədbirlərin təşkili ilə əlaqədar tələbləri ödədiyini yoxlamaq üçün test tədbirləri keçiriləcək.

Oyunların təşkilatçıları və bu işlə əlaqəli olan digər təşkilatlar isti havanın insanlara təsirini azaltmaq və Yaponiya paytaxtında nəqliyyatın hərəkətini tənzimləmək üçün müvafiq tədbirlərin görülməsini planlaşdırırlar.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.