REGİONLAR


“Turan” ansamblının üzvi: Azərbaycanda belə bir möhtəşəm festivalda iştirak etməkdən çox məmnunam

Göygöl, 29 iyul, AZƏRTAC

Mən buradan bütün türk dünyasını salamlayıram. Biz qardaş Azərbaycana Qazaxıstandan gəlmişik və burada “Turan” etnoqrafik folklor ansamblını təmsil edirik. Azərbaycanda olmaq olduqca qürurvericidir. Biz bundan əvvəl Macarıstanda da belə bir möhtəşəm festivalda ölkəmizi təmsil etmişdik.

Bu fikirləri AZƏRTAC-ın bölgə müxbirinə II Milli Yaylaq Festivalın iştirakçısı, “Turan” etnoqrafik folklor ansamblının üzvi Maksat Medeubek deyib.

Onun sözlərinə görə, “Turan” etnoqrafik folklor ansamblı Qazaxıstanın ən orijinal musiqi kollektivlərindəndi. Bütün türk dünyasının və Avropa ölkələrinin rəğbətini qazanmış kollektivimizi belə bir gözəl tədbirə dəvət etdiklərinə görə təşkilatçılara minnətdarlığımı bildirirəm.

“Belə festivallar qardaş xalqlarımızın birliyinə, bir-birlərinin mədəniyyətinin, incəsənətinin, folklor nümunələrinin daha da yaxından tanınmasına böyük təkan verir. Azərbaycanda təşkil olunan Milli Yaylaq Festivalı olduqca mükəmməl təşkil edilib. Seçilmiş məkan isə festivalın ruhu ilə səsləşir. İnanıram ki, burdakı çıxışımız hamının ürəyincə olacaq”, - deyə “Turan” etnoqrafik folklor ansamblının üzvi bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.