“Türk Ulduzları”na məxsus təyyarə qəzaya uğrayıb

İstanbul, 6 dekabr, AZƏRTAC

Türkiyə Hərbi Hava Qüvvələrinin “Türk Ulduzları” aviasiya qrupuna məxsus F5 təyyarəsi qəzaya uğrayıb.

AZƏRTAC xəbər verir ki, bu barədə Türkiyənin Milli Müdafiə Nazirliyindən bildirilib.

Məlumata əsasən, hadisə Konya vilayətində meydana gəlib. Qəza bir quşun təyyarəyə çırpılması nəticəsində mühərrikdə yaranan nasazlıq səbəbindən baş verib.

Hadisə anında təyyarədən tullanaraq sağ qalan pilot xəstəxanaya yerləşdirilib, onun səhhətinin yaxşı olduğu bildirilir.