DÜNYA


Türkiyə Aralıq dənizinin şərqində birtərəfli qaydada kəşfiyyat qazma işlərinə yol verməyəcək

İstanbul, 4 oktyabr, AZƏRTAC 

Türkiyənin Xarici İşlər Nazirliyi (XİN) Cənubi Kipr rəhbərliyinin Aralıq dənizinin şərqində birtərəfli qaydada karbohidrogen ehtiyatlarının axtarışına başlamaq niyyətini kəskin şəkildə pisləyib.

AZƏRTAC Türkiyə XİN-in rəsmi saytına istinadla xəbər verir ki, bu barədə yayılan açıqlamada bildirilir ki, Aralıq dənizindəki təbii sərvətlərdən bəhrələnmək adadakı hər iki tərəfin haqqıdır. Türkiyə tərəfi bildirir ki, yunan Kiprinin Aralıq dənizinin şərq səmtində kəşfiyyat-qazma işləri aparmaq üçün xarici şirkətlərə müraciət etməsi beynəlxalq hüquqa, o cümlədən BMT-nin sərhədlərə dair prinsiplərinə ziddir. Türkiyə qeyd olunan ərazilərdə hər hansı bir kəşfiyyat-qazma işlərinə yol verməyəcək, eyni zamanda, milli neft şirkətləri vasitəsi ilə Aralıq dənizinin şərqində özünə və Şimali Kiprə aid ərazilərdə qazma işlərinə başlayacaqdır. Nazirlik Cənubi Kiprin qeyd olunan çağırışı ilə bağlı bütün tərəfləri sağlam düşüncəli olmağa dəvət edib.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.