İDMAN


Türkiyə Superliqası: “Başakşehir” komandası “Trabzonspor”a qalib gəlib

Bakı, 12 avqust, AZƏRTAC

Avqustun 12-də futbol üzrə Türkiyə Superliqasının ilk turunun maraqla gözlənilən mərkəzi qarşılaşmasında ötən mövsüm turnir cədvəlində ikinci sırada qararlaşmış "Başakşehir" ilə çempionatı beşinci sırada başa vurmuş "Trabzonspor" qarşılaşıb.

AZƏRTAC xəbər verir ki, çempionluq uğrunda mübarizə aparan komandaların oyununda “Başakşehir” rəqibinin qapısından iki cavabsız top keçirib.

İstanbul təmsilçisinin üstünlüyü şəraitində keçən matçın 43-cü dəqiqəsində meydan sahiblərinin heyətində Manuel da Costa hesabı açıb. Görüşün sonlarında isə oyuna ikinci hissədə daxil olan toqolu futbolçu Emmanuel Adebayor fərqlənib. Beləliklə, qarşılaşma 2:0 hesabı ilə İstanbul komandasının qələbəsi ilə yekunlaşıb.

Bu rəqiblər indiyədək ölkə çempionatında 20 dəfə üz-üzə gəlib. Matçların 9-da "Trabzonspor", 5-də isə "Başakşehir" qələbə qazanıb, 6 qarşılaşma isə heç-heçə yekunlaşıb.

Qeyd edək ki, tur çərçivəsində bu gün keçirilmiş digər oyunda "Konyaspor" komandası "BŞB Ərzurum" klubundan üstün olub – 3:2.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.