CƏMİYYƏT


“Ultrasəsin yeni üfüqləri” mövzusunda konfrans müasir diaqnostik aparatların üstünlüklərinə həsr olunub

Bakı,13 oktyabr, AZƏRTAC

Oktyabrın 13-də “Arash Medical Company” və “Canon Medical Systems”-in birgə təşkilatçılığı ilə “Ultrasəsin yeni üfüqləri” mövzusunda konfrans keçirilib. Konfrans ultrasəs aparatları və diaqnostikada çox geniş istifadə olunan müasir texnologiyalara həsr olunub.

AZƏRTAC xəbər verir ki, tədbirdə xarici ölkələrdən gələn tibb mütəxəssisləri ilə yanaşı ölkəmizin həkim və tibbi texnologiya sahəsində çalışan mütəxəssisləri, eyni zamanda, ultrasəs həkimləri də iştirak edib.

“Arash Medical Company” şirkətinin ultrasəs cihazları üzrə təlim mütəxəssisi Məmmədrəsul Yaqubov tədbiri açaraq deyib: “Hazırda tibb diaqnostika sahəsində bir çox stasionar və daşınan sistemlər mövcuddur. Onların arasında ən çox tövsiyə olunan ultrasəs müayinə avadanlıqları var ki, onlar müxtəlif xəstəliklərin diaqnostikası ilə yanaşı, dölün və yenidoğulmuşların müayinəsində də istifadə edilir. Bunlar biyopsiyanın aparılması zamanı təhlükəsiz, qeyri-invaziv, eləcə də ionlaşdırıcı radiasiya istifadə etməyən cihazlardır. Həmin cihaz və yeni texnologiyaların üstünlüklərinə həsr olunan konfrans ölkəmizdə ilk dəfədir ki, təşkil olunur. Tədbir, eyni zamanda, tibb işçilərinin bu sahədəki bilik və bacarıqlarının artırılmasına da xidmət göstərir”.

“Canon Medical Systems” şirkətinin ultrasəs şöbəsinin müdiri Sergey Fedonenkov konfransın işinə uğurlar arzulayıb, iştirakçıların məruzə və müzakirələrdən maksimum yararlanacaqlarına ümid etdiyini bildirib.

Sonra Caspian İnternational Hospitalın direktoru, tibb elmləri doktoru Aytən Sultanova çıxış edib. O, ölkəmizdə baş verən sürətli iqtisadi inkişafın bütün sahələrdə olduğu kimi səhiyyənin inkişafına da əsaslı təkan verdiyini qeyd edib: “Tam inamla demək olar ki, son illərdə dünya standartlarına uyğun inkişaf yolu tutmuş Azərbaycan səhiyyəsinin nüfuzu nəzərəçarpacaq dərəcədə artıb, səhiyyənin idarəolunması, tibb müəssisələrinin maddi-texniki bazasının gücləndirilməsi, yeni tibbi texnologiyaların tətbiqi, köklü kadr islahatları və başqa genişmiqyaslı tədbirlər həyata keçirilib. Bu da öz növbəsində səhiyyəmizin dünya standartları üzrə inkişaf etməsinə, onun dünyanın qabaqcıl ölkələrinin səhiyyə sisteminə ardıcıllıqla inteqrasiya edilməsinə zəmin yaradıb. Prezident İlham Əliyevin səhiyyəyə göstərdiyi xüsusi diqqət və qayğının nəticəsidir ki, müəyyən edilən proqramlar tibb müəssisələrinin təmir və bərpasını, onların ən müasir avadanlıqlarla təmin olunmasını, vətəndaşların pulsuz dərman vasitələri və preparatlarla təchiz olunmasını, müalicəsini, regionlarda diaqnostika mərkəzlərinin tikilərək istifadəyə verilməsini, xüsusilə uşaqların bütün tibbi xidmətlərlə ən yüksək səviyyədə əhatə olunmasını və səhiyyə sahəsində digər islahatların başlıca istiqamətlərini təşkil edir. Bir sıra dövlət proqramlarının reallaşdırılmasında Heydər Əliyev Fondunun və Fondun Prezidenti Mehriban xanım Əliyevanın böyük xidmətləri vardır. Fond diabetli, talassemiyalı xəstələrə qayğısında və onların müalicəsinin təşkilində, qanvermə aksiyalarının keçirilməsində, ana və uşaqların sağlamlığının qorunmasının yaxşılaşdırılmasında bir çox böyük layihələrə imza atıb. Şübhə yoxdur ki, Azərbaycanın dinamik iqtisadi inkişafı və səhiyyə sahəsinə dövlət qayğısı səhiyyəmizin daha da təkmilləşdirilməsinə gətirib çıxaracaq.

Tədbir “Gündəlik rutin müayinədə i-seriyasının rolu”, “Kardiologiyada ultrasəsin mövqeyi”, “Fetal sonoqrafiyada standartlaşmanın və arxivləşmənin rolu” mövzularında məruzələrlə davam etdirilib.

Sonra radiologiya və kardiologiya üzrə ultrasəs təlimləri aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.