MƏDƏNİYYƏT


Universitetdə bədii əsərlərin satış-yarmarkası keçirilib

Bakı, 15 mart, AZƏRTAC

Azərbaycan Turizm və Menecment Universitetində (ATMU) “Kitab səhifələri” klubu üzvlərinin təşəbbüsü ilə bədii əsərlərin satış-yarmarkası keçirilib.

Klubun üzvü Elvin Gürzəlizadə AZƏRTAC-a bildirib ki, satış-yarmarkanın təşkilində başlıca məqsəd tələbələrdə kitaba böyük maraq oyatmaqla bərabər, onlarda mütaliə qabiliyyətini formalaşdırmaqdan ibarətdir. Satış-yarmarkada Azərbaycan və xarici ölkə yazıçılarının məşhur əsərləri güzəştli qiymətlərlə təklif olunub.

“Kitab səhifələri” üzvlərinin əməkdaşlıq etdiyi “Alatoran”, “Kitab klubu”, “Parlaq imzalar”, “Qədim qala”, “Hədəf” nəşriyyatlarında çap olunan bədii ədəbiyyat nümunələri daha çox alıcı marağı qazanıb.

Belə kitab-satış yarmarkaların vaxtaşırı keçirilməsi qərara alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.