CƏMİYYƏT
Uşaqlara məhkəmələrin dövlət quruluşunda yeri və rolu barədə məlumat verilib
Bakı, 1 iyun, AZƏRTAC
İyunun 1-də Uşaqların Beynəlxalq Müdafiəsi Günü münasibətilə Azərbaycan Respublikasının Ali Məhkəməsi şagirdlər üçün qapılarını açıb.
Bu barədə AZƏRTAC-a Ali Məhkəmənin mətbuat xidmətindən məlumat verilib.
Bakı şəhərindəki 27 nömrəli tam orta məktəbin şagirdləri Ali Məhkəmənin inzibati binası ilə tanış olub, məhkəmə iclas zallarını, Plenum zalını, məhkəmənin kitabxanasını və Məhkəmə tarixi muzeyini ziyarət ediblər.
Tanışlıq çərçivəsində Ali Məhkəmənin hakimi Elşad Şamayev uşaqlara məhkəmələrin dövlət quruluşunda yeri və rolu, uşaq hüquqlarının qorunması sahəsində qanunvericilik və təcrübə barədə məlumat verib. Məktəbliləri maraqlandıran suallar cavablandırılıb.
Sonda şagirdlər xoş təəssüratlarını bölüşüb.