CƏMİYYƏT


Üzərində narkomaniyanın fəsadlarına dair məlumatlar olan lövhələr cəzaçəkmə müəssisələrində quraşdırılıb

Bakı, 22 oktyabr, AZƏRTAC

Ədliyyə Nazirliyi Penitensiar Xidməti ilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun birgə əməkdaşlığı çərçivəsində antinarkotik təbliğat işinin səmərəliliyinin artırılmasını təmin etmək məqsədilə üzərində narkomaniya və narkotiklərin fəsadları barədə xəbərdaredici məlumatların əks olunduğu 23 ədəd sosial lövhə cəzaçəkmə müəssisələrində quraşdırılıb.

İşçi Qrupundan AZƏRTAC-a bildiriblər ki, lövhələr “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın müvafiq bəndinin icrası ilə əlaqədar hazırlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.