ELM VƏ TƏHSİL


“Virtual məktəb”ə qoşulmaq imkanı olmayan şagirdlər teledərslərdən yararlana bilərlər

Bakı, 13 noyabr, AZƏRTAC

“Virtual məktəb”ə qoşulmaq imkanı olmayan şagirdlər “Mədəniyyət”, “ARB Günəş” telekanallarında yayımlanan “Dərs vaxtı” proqramını izləyə bilərlər.

AZƏRTAC xəbər verir ki, bunu “Məsafədən təhsildə yeni reallıqlar” mövzusunda müzakirədə Təhsil Nazirliyinin Ümumi təhsilin təşkili və idarəolunması şöbəsinin müdiri Orxan Abbasov deyib. O bildirib ki, teledərsləri ardıcıl izləməklə şagirdlər tədris olunan dərslər haqqında ətraflı bilik əldə edə bilərlər.

Orxan Abbasov qeyd edib ki, pandemiya ilə əlaqədar olaraq təhsil sahəsində müxtəlif alətlər yaradılıb: “Şagirdlər bu çətin dönəmdə yaradılan bütün imkanlardan maksimum yaralanaraq bilik qazana bilərlər”.

Xatırladaq ki, “Məsafədən təhsildə yeni reallıqlar” mövzusunda müzakirə Təhsil Nazirliyinin rəsmi "Facebook" səhifəsi üzərindən canlı yayımlanan “Təməl” proqramında aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.