MƏDƏNİYYƏT


“Warner Bros.” kino şirkətinin səhmləri çöküb

Bakı, 8 avqust, AZƏRTAC

“Warner Bros. Discovery”nin borclar və zərərlər haqqında hesabatı KİV-ə dərc edildikdən sonra şirkətin səhmləri kəskin şəkildə çöküb.

AZƏRTAC xarici KİV-ə istinadla xəbər verir ki, şirkətin ümumi borcu 53 milyard dollar təşkil edir. “Warner Bros. Discovery”nin bu il 518 milyon dollar itirəcəyi və davamlı maliyyə itkilərinin pik həddə çatacağı gözlənilir. Bu səbəbdən şirkət rəhbərliyi xərcləri ən azı 3 milyard dollar azaltmaq və investorların vəsaitlərini əvvəlkindən daha ehtiyatlı xərcləmək planlarını təsdiqləyib. Şirkətdən verilən məlumata görə, “Warner Bros.” həmçinin əsas işçilərin ixtisarına da hazırlaşır.

Qeyd edək ki, kino şirkətinin maliyyə itkiləri üzrə 3,4 milyard dollarlıq xalis zərəri artıq təsdiqlənib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.