REGİONLAR


Xaçmazda evdən oğurluq edən şəxs saxlanılıb

Xaçmaz, 5 fevral, Elxan Yusifli, AZƏRTAC 

Xaçmazda oğurluq etməkdə şübhəli bilinən gənc saxlanılıb.

Daxili İşlər Nazirliyinin Mətbuat xidmətinin Quba regional qrupundan AZƏRTAC-ın bölgə müxbirinə verilən məlumata görə, Xaçmaz şəhər sakini rayon polis şöbəsinə müraciət edərək evindən təmir-tikinti aləti, su mühərriki və məişət əşyalarının oğurlandığı barədə məlumat verib.

Faktla bağlı polis əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən 22 yaşlı Samir Həsənov saxlanılıb.

Dindirilmə zamanı saxlanılan şəxs törətdiyi cinayət əməlini etiraf edərək, zərərçəkmişə məxsus evə şüşəni sındıraraq qanunsuz daxil olduğunu, oradan bir ədəd monitor, elektrik təsərrüfat mişarı və su nasosu, videomüşahidə kamerası, peyk antenna, tonometr (təzyiq ölçən) və fanendaskop (ürək döyüntülərini müəyyən edən cihaz) oğurladığını bildirib.

Oğurlanan əşyaların bir qismi maddi sübut kimi polis əməkdaşları tərəfindən götürülüb.

Faktla bağlı Xaçmaz RPŞ-nin istintaq bölməsində araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.