DÜNYA


Yanvar ayında Gürcüstanda ərzaq və gündəlik istehlak mallarının qiyməti bahalaşıb

Tbilisi, 4 fevral, AZƏRTAC

Cari ilin ilk ayında Gürcüstanda ərzaq və gündəlik istehlak mallarının qiymətində xeyli artım qeydə alınıb.

AZƏRTAC xəbər verir ki, yanvar ayında ölkədə ərzaq məhsulları və alkoqolsuz içkilərin qiyməti 3,2 faiz, çörək və yulafın, eləcə də balıq ətinin 1,4 faiz, süd, pendir və yumurtanın 4,7 faiz, tərəvəzlərin 15,8 faiz, meyvə və giləmeyvənin isə 5,8 faiz bahalaşıb. Alkoqollu içkilər və tütünün qiymətində 5,8 faiz bahalaşma qeydə alınıb.

Gürcüstan Mili Statistika Xidmətinin məlumatına görə, illik inflyasiya ilə müqayisədə ərzaq məhsulları və alkoqolsuz içkilərin qiyməti 3,2 faiz, alkoqollu içkilər və tütünün qiyməti 10,1 faiz, səhiyyə xərcləri 3,4 faiz, nəqliyyat xərcləri isə 1,7 faiz artıb.

Ötən ay Gürcüstanda inflyasiya 1,3 faiz təşkil edib.

İllik inflyasiya isə 2,2 faiz olub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.