DÜNYA


Yaponiya Hərtərəfli Regional İqtisadi Tərəfdaşlıq barədə razılaşmanı ratifikasiya edib

Tokio, 25 iyun, AZƏRTAC

İyunun 25-də Yaponiyanın hakimiyyət orqanları 2020-ci il noyabrın 15-də imzalanmış Hərtərəfli Regional İqtisadi Tərəfdaşlıq (RCEP) barədə razılaşmanı ratifikasiya edib.

AZƏRTAC xəbər verir ki, bu barədə Kyodo agentliyi məlumat yayıb. Bildirilir ki, razılaşma onu imzalayan dövlətlərin yarıdan çoxu tərəfindən ratifikasiya olunduqdan sonra qüvvəyə minəcək.

Xatırladaq ki, Hərtərəfli Regional İqtisadi Tərəfdaşlıq barədə razılaşam Yaponiya parlamenti tərəfindən cari il aprelin 28-də bəyənilib.

Qeyd edək ki, RCEP razılaşmasını Cənub-Şərqi Asiya Dövlətləri Assosiasiyası (ASEAN) ölkələri və ticari–iqtisadi blokun 5 nəhəng tərəfdaşı: Yaponiya, Avstraliya, Çin, Yeni Zelandiya və Koreya Respublikası imzalayıb. Həmin razılaşma nəticəsində dünya üzrə 2,2 milyard istehlakçıya və 28 trilyon dollar həcmində ümumi daxili məhsula (ÜDM) malik azad ticarət zonası yaradılacaq. Bu, bütün dünya üzrə ÜDM-in 32 faizdə çoxunu təşkil edir.

Mütəxəssislərin proqnozlarına görə, RCEP ölkələri üzrə ÜDM-in ümumi həcmi 2050-ci ildə 100 trilyon dolları ötəcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.