DÜNYA


Yaponiya Şərqi Çin dənizindəki mübahisəli qaz yataqlarının tədqiqinə görə Çinə etirazını bildirib

Tokio, 3 dekabr, AZƏRTAC 

Yaponiyanın hakimiyyət orqanları Şərqi Çin dənizindəki mübahisəli qaz yataqlarının birtərəfli qaydada tədqiqinə görə Çinə etirazını bildirib.

AZƏRTAC xəbər verir ki, bu barədə Yaponiya Nazirlər Kabinetinin baş katibi Yoşihide Suqa dekabrın 3-də keçirilən ənənəvi mətbuat konfransı zamanı bəyan edib.

“Bu hərəkət Yaponiyanın mövqeyinin tamamilə əleyhinədir. Çinin birtərəfli qaydada tədqiqat işlərini davam etdirməsi çox böyük təəssüf doğurur. Biz buna etirazımızı bildirmişik”, - deyə baş katib qeyd edib.

Xatırladaq ki, 2008-ci ildə Tokio və Pekin arasında Şərqi Çin dənizindəki qaz yataqlarının birgə işlənilməsi barədə müqavilə imzalanıb. Məsələ ilə bağlı danışıqlar 2010-cu ildə Yaponiya Sahil Mühafizə Xidmətinin iki ölkə arasında mübahisə predmeti olan Senkaku adaları ərazisində Çinə məxsus balıqçı qayığını saxladıqdan sonra dondurulub. Bundan sonra Tokio rəsmi Pekinin mövcud razılaşmaları dəfələrlə pozaraq, qaz yataqlarını birtərəfli qaydada tədqiq etdiyini bildirib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.