İDMAN


Yaponiyada Olimpiya Oyunları iştirakçılarının vaksinasiyası başlayıb

Bakı, 1 iyun, AZƏRTAC

Bu gün Yaponiyada Tokio Olimpiya Oyunlarında iştirak edəcək idmançıların koronavirusa qarşı vaksinasiyası başlayıb.

AZƏRTAC Associated Press agentliyinə istinadla xəbər verir ki, Yaponiya Milli Olimpiya Komitəsinin məlumatına görə, vaksinasiyanın ilk günü 200-ə yaxın atlet peyvənd olunub.

Beynəlxalq Olimpiya Komitəsinin (BOK) başçısı Tomas Bax bir qədər əvvəl bildirmişdi ki, Olimpiada başlayana qədər yarış iştirakçılarının azı 75 faizi peyvəndlənəcək. Eyni zamanda, Pfizer və BioNTech kompaniyaları Tokio Olimpiya Oyunlarının peyvənd olunmaq istəyən iştirakçılarının immunlaşdırılması üçün BOK-a təmənnasız olaraq COVID-19 vaksinləri verəcəyini elan edib.

Xatırladaq ki, koronavirus pandemiyası səbəbindən təxirə salınmış Olimpiya Oyunlarının bu il iyulun 23-dən avqustun 8-dək keçirilməsi planlaşdırılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.