DÜNYA


Yaponiyada aparılan kliniki sınaqlar koronavirusun “Aviqan” dərmanı ilə müalicənin səmərəli olduğunu təsdiq edib

Tokio, 24 sentyabr, AZƏRTAC

Yaponiyada qripə qarşı “Aviqan” dərmanının istehsalçısı olan şirkət kliniki sınaqlardan sonra, bu dərmanın COVID-19-a yoluxmuş xəstələrin müalicəsi zamanı da səmərəli olduğunu bəyan edib.

AZƏRTAC Yaponiya KİV-lərinə istinadla xəbər verir ki, həmin dərman “Fujifilm Holdings” korporasiyasına daxil olan “Fujifilm Toyama Chemical” şirkəti tərəfindən hazırlanıb.

Korporasiyadan bildiriblər ki, COVID-19-a yoluxmuş xəstələrin müalicəsi üçün hökumətə müraciət etməzdən əvvəl, bu virusa yoluxmuş 20 yaşdan 74 yaşadək 156 nəfər üzərində müşahidələr aparılıb. Sınaqlar zamanı həmin dərmanın təhlükəli olması ilə bağlı heç bir narahatlıq müşahidə edilməyib.

Bildirilir ki, əvvəllər “Aviqan” dərmanının yarada biləcəyi narahatlıqlar arasında onun böyrəklərin və ciyərin fəaliyyətinə yan təsiri qeyd edilirdi.

Hazırda dərmanı hazırlayan şirkət oktyabrın əvvəllərindən başlayaraq, onun COVID-19-un müalicəsində istifadə olunması üçün hökumətə müraciət etməyi planlaşdırır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.