DÜNYA


Yaponiyanın Fukuşima prefekturasının sahillərində güclü zəlzələ olub

Tokio, 14 may, AZƏRTAC

Mayın 14-də yerli vaxtla səhər saat 8:58 dəqiqədə Yaponiyanın Fukuşima prefekturasının sahillərində 6 bal gücündə zəlzələ baş verib.

AZƏRTAC xəbər verir ki, bu barədə Yaponiya Meteorologiya Agentliyi məlumat yayıb.

Yeraltı təkanların episentri Hönşü adasının şimal-şərq sahillərində, ocağı 40 kilometr dərinlikdə yerləşib. Sunami xəbərdarlığı elan olunmasa da, güclü təkanlar paytaxt Tokio da daxil olmaqla, 18 prefekturada hiss olunub.

Dağıntılar və zərərçəkənlər barədə hələlik məlumat verilmir. Yeraltı təkanlardan sonra sürətli qatarların hərəkəti bir müddət dayandırılıb. TEPCO şirkətinin yaydığı məlumata görə, zəlzələ qəzalı vəziyyətdə olan “Fukuşiam-1” AES-də ştatdankənar vəziyyətə səbəb olmayıb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.