ELM VƏ TƏHSİL


Yeni yaradılmış sektor işğaldan azad edilmiş rayonların toponimlərini tədqiq edəcək

Bakı, 13 noyabr, AZƏRTAC

Nəsimi adına Dilçilik İnstitutunda Toponimika sektoru yaradılıb.

İnstitutdan AZƏRTAC-a bildirilib ki, filologiya elmləri doktoru Qara Məşədiyev bu sektorun müdiri təyin edilib.

Coğrafi adlar yerin yaddaşıdır. Onlar müqəddəs tutulmalıdır. Dağlıq Qarabağda zaman-zaman Azərbaycan tarixinə aid toponimlər kütləvi şəkildə dəyişdirilib. İşğal dövründə bəzi adlar tərcümə edilib, bəzilərinə yeni erməni adları qoyulub.

Yeni yaradılmış sektor toponimlərin tədqiqi, ermənilər tərəfindən adları dəyişdirilən 400-ə yaxın toponimin adının qaytarılması məsələləri ilə məşğul olacaq.

Həmçinin Toponimika sektoru işğaldan azad edilmiş rayonlarda küçələrə, meydanlara, parklara Vətən müharibəsində qəhrəmanlıq göstərən şəhidlərimizin adlarının verilməsi təklifini də irəli sürəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.