İQTİSADİYYAT


® “AtaBank” yeni “AtaNet” mobil əlavəsini geniş ictimaiyyətə təqdim edib

Bakı, 17 may, AZƏRTAC

Azərbaycanın qabaqcıl banklarından biri olan “AtaBank” ASC yeni “AtaNet” mobil bankçılıq məhsulunun təqdimat mərasimini keçirib.

Bankdan AZƏRTAC-a bildirilib ki, “AtaNet” korporativ biznes nümayəndələrinin, sahibkarların və fərdi müştərilərin ehtiyac və tələblərinə uyğun olaraq işlənib hazırlanıb. Təqdimat mərasimində yeni xidmətdən istifadənin təhlükəsizliyi məsələlərinə xüsusi diqqət yetirilib. Məhsul beynəlxalq standartlara uyğun hazırlanıb və bir neçə səviyyəli mühafizə ilə təmin olunub. İstifadəçi, birdəfəlik şifrə (OTP) və ya “Asan İmza” ilə yanaşı, smartfon və ya planşet barmaq izi funksiyasını dəstəkləyərsə, həm də barmaq izi ilə əlavəyə daxil olmaq imkanı əldə edə biləcək. Qeyd edək ki, xidmətlərdən istifadə zamanı birdəfəlik şifrələr vasitəsilə təhlükəsizlik tam təmin olunur.

Tədbirdə çıxış edən idarə heyəti sədrinin birinci müavini Etibar Babaşlı qeyd edib ki, bank müştərilərinə daim innovativ məhsullar təqdim edib və edəcək. “AtaBank”ın gələcək illərdə də müştərilərinə ehtiyaclarını tam şəkildə qarşılayan, onlara bankçılıq xidmətlərindən zamanından və məkanından asılı olmayaraq rahatlıqla istifadə edə biləcəkləri imkanı yaradan, təkcə bank deyil, bütün maliyyə məsələləri üzrə dost qurum olaraq qalacağını bildirərək E.Babaşlı çıxışını yekunlaşdırıb.

“AtaNet” mobil əlavəsi ənənəvi bankçılıqda mümkün bütün əməliyyatları yerinə yetirməyə imkan verən müasir mobil bankçılıq əlavəsidir.

Əlavə olaraq qeyd edək ki, “AtaNet” mobil bankçılığı ilə yanaşı, “AtaNet” internet bankçılığı üzərində bir çox işlər aparılaraq, interfeysi daha da müasirləşdirilərək ikinci versiyası artıq müştərilərə təqdim olunub. Ən əsası isə bankın müştəriləri üçün “AtaNet”ə qoşulma və istifadə tamamilə pulsuzdur.

“AtaNet” Mobil Bankçılıq sistemi vasitəsilə aşağıdakı əməliyyatların aparılması mümkündür:

- Cari hesablar, əmanət hesabları, kart hesabları və kredit hesabları haqqında məlumatların əldə edilməsi;

- Cari hesabların və əmanət hesablarının açılışı;

- Müştərinin öz hesabları arasında köçürmələr;

- Bankdaxili köçürmələr;

- Kartların bloklaşdırılması və blokdan çıxarılması;

- “SMS-xəbərdarlıq” xidmətinin aktiv və deaktiv edilməsi;

- Bank kartları, o cümlədən virtual kartların sifarişi;

- Ölkədaxili - AZİPS, XÖHKS köçürmələri;

- Ölkəxarici - SWIFT köçürmələri;

- Hökumət ödənişləri – Büdcə, ƏDV və Vergi borclarının ödənişləri;

- Həm “AtaBank”a, həm respublikadaxili digər banklara məxsus kartlara köçürmələr;

- Kommunal ödənişlər;

- Əməkhaqqı ödənişləri;

- Kredit ödənişləri;

- İpoteka ödənişləri;

- Konvertasiya əməliyyatları.

Həmçinin aşağıdakı məlumatlar əldə edilə bilər:

- Bank haqqında məlumat;

- Filiallar və bankomatlar haqqında məlumat;

- Valyuta məzənnələri.

Bu xidmətlərin sayının davamlı şəkildə artırılması, mobil tətbiqə yeni funksiyaların əlavə edilməsi nəzərdə tutulur.

Xidmətdən istifadə etmək üçün IOS və Android istifadəçiləri “AtaNet” mobil əlavəsini həm “AppStore”, həm də “Google Play”dən yükləyə bilərlər. Yükləmə keçidləri:

Google Play: https://play.google.com/store/apps/details?id=com.atabank.ebank 

AppStore: https://itunes.apple.com/us/app/atanet/id1340260815?mt=8  

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.