İQTİSADİYYAT


"Dəmirbank"ın kreditorlarının tələblərinin qeydiyyat müddəti bir ay uzadılıb

Bakı, 8 mart, AZƏRTAC

Əmanətlərin Sığortalanması Fondu ləğv prosesində olan "DəmirBank" ASC-nin kreditorlarına müraciət edib.

Fonddan AZƏRTAC-a bildiriblər ki, Bakı Apellyasiya Məhkəməsinin 2018-ci il 6 mart tarixli qərarına əsasən, ləğv prosesində olan "DəmirBank" ASC-nin kreditorlarının tələblərinin qeydiyyatı əlavə 30 təqvim günü müddətinə uzadılıb. Kreditorlar öz tələblərinin hüquqi əsasını sübut edən sənədləri və məlumatları təqdim etməlidirlər.

Bankın kreditorları martın 6-dan 30 gün ərzində "DəmirBank" ASC-nin ləğvedicisi təyin edilən Əmanətlərin Sığortalanması Fonduna müraciət edə bilərlər. Ünvan: Bakı şəhəri, Qarabağ küçəsi, 31, ləğv prosesində olan "DəmirBank" ASC-nin "Əməliyyat idarəsi" filialı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.