ABŞ-da Xocalı Anım Həftəsi keçiriləcəkdir
Bakı, 7 yanvar (AZƏRTAC). AZƏRTAC xəbər verir ki, fevralın 18-dən 26-dək Azərbaycan-Amerika Şurası (AAC), Amerika Azərbaycan Cəmiyyəti (ASA) və Toronto Universitetinin Azərbaycanlı Tələbələr Assosiasiyasının təşkilatçılığı ilə Şimali Amerikada Xocalı Anım Həftəsi keçiriləcəkdir.
Bundan əlavə, Azərbaycan diaspor təşkilatı San Fransisko, Vaşinqton və Nyu-Yorkda Xocalı faciəsinə dair “dəyirmi masa”lar, debatlar, eləcə də Torontoda xatirə konfransları təşkil edəcəkdir.
Azərbaycanın Dağlıq Qarabağ ərazisində yerləşən və əhalisi azərbaycanlılardan ibarət olan Xocalı şəhəri 1992-ci il fevralın 25-dən 26-na keçən gecə Ermənistan silahlı qüvvələri tərəfindən işğal olunmuşdur. İşğalçı qüvvələr azərbaycanlıların məskunlaşdığı Xocalıda etnik təmizləmə və soyqırımı törətmiş, nəticədə 613 nəfər öldürülmüşdür. Qətlə yetirilənlərdən 63-ü uşaq, 106-sı qadındır.
Bölmənin digər xəbərləri
