ABŞ-ın neft ehtiyatları çoxalıb
Bakı, 6 fevral, AZƏRTAC
Birləşmiş Ştatların xam neft ehtiyatları artıb.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 3,4 milyon barrel (0,8 faiz) artaraq 435 milyon barrel olub. Bazar proqnozları isə ehtiyatların 2,8 milyon barrel artacağı istiqamətində idi. Əvvəlki həftə neft ehtiyatları 3,5 milyon barrel çoxalmışdı.
ABŞ-ın strateji neft ehtiyatları isə dəyişməyərək 635 milyon barrel olub.
Ölkənin benzin ehtiyatları hesabat həftəsində 0,1 milyon barrel azalaraq 261,1 milyon barrel təşkil edib. Bazar proqnozları ehtiyatların 2 milyon barrel artacağı istiqamətində idi. Benzin ehtiyatları əvvəlki həftə 1,2 milyon barrel artmışdı.
Bölmənin digər xəbərləri
