ABŞ-nin neft ehtiyatları 43 ilin minimumuna enib
Bakı, 11 avqust, AZƏRTAC
Birləşmiş Ştatların strateji xam neft ehtiyatları son 43 ildə ən aşağı səviyyəyə düşüb.
AZƏRTAC xəbər verir ki, ABŞ-nin Energetika Nazirliyi ölkənin strateji neft ehtiyatlarının ötən həftə 6,1 milyon barel azalaraq 298,7 milyon barel olduğunu açıqlayıb. Bu göstərici 1983-cü ildən bəri qeydə alınan ən aşağı səviyyədir. Beləliklə də, ABŞ-nin strateji neft ehtiyatları son 43 ildə ilk dəfə 300 milyon bareldən aşağı düşüb.
Birləşmiş Ştatların strateji neft ehtiyatları 1977-ci ildə yaradılıb. Ümumi tutumu 713,5 milyon barel olan ehtiyatlar Yaxın Şərqdə münaqişə başlayan vaxt 415 milyon barel səviyyəsində olub.
Hörmüz boğazının bağlamasından sonra ABŞ Beynəlxalq Enerji Agentliyi (IEA) ilə koordinasiya çərçivəsində bu il ərzində neft ehtiyatlarından 172 milyon bareli istifadə edib.
Bölmənin digər xəbərləri
