AZƏRTAC-ın müxbiri Berlindən xəbər verir ki, 2004-cü ilin ikinci rübünün yekunlarına görə, Almaniyada ümumi daxili məhsulun (ÜDM) artımı əvvəlki rüblə müqayisədə 0,5 faiz təşkil etmişdir. Bu barədə Visbadendə Milli Statistika Bürosunun hesabatında məlumat verilir. Bu məlumat avqustun 12-də dərc olunmuş ilkin nəticələrlə üst-üstə düşmüşdür. 2004-cü ilin birinci rübündə Almaniyada ÜDM-in artımı 0,4 faiz olmuşdu.