Azərbaycan Dövlət İnformasiya Agentliyi

RƏSMİ SƏNƏDLƏR

AZƏRBAYCAN RESPUBLİKASININ ƏMƏK MƏCƏLLƏSİNDƏ DƏYİŞİKLİK EDİLMƏSİ BARƏDƏ
AZƏRBAYCAN RESPUBLİKASININ QANUNU

I. Azərbaycan Respublikasının Əmək Məcəlləsinin (Azərbaycan Respublikasının Qanunvericilik Toplusu, 1999-cu il, № 4, maddə 213; 2001-ci il, №3, maddə 143, №6, maddə 362, №11, maddələr 672,679, №12, maddə 731; 2002-ci il, №1, maddə 2, №5, maddə 241, №6, maddə 328: 2003-cü il, №1, maddələr 9, 23; 2004-cü il, №1, maddə 10, №2, maddə 57, №3, maddə 133, №6, maddə 413, №7, maddə 505, №9, maddə 672, №12, maddə 981; 2005-ci il, №3, maddə 151, №4, maddə 278, №7, maddə 560, №10, maddə 874, №11, maddə 1001, №12, maddə 1094) 135-ci maddəsi aşağıdakı redaksiyada verilsin:

“Maddə135. Əmək məzuniyyətinin verilməməsinin yolverilməzliyi

1. Bu Məcəlləyə uyğun olaraq işəğötürən tərəfindən işçiyə əmək məzuniyyətinin verilməməsi qadağandır.

2. İşçi müvafiq iş ilində əmək məzuniyyətindən istənilən səbəbdən istifadə etmədikdə ona həmin iş ili (iş illəri) üçün istifadə edilməmiş əmək məzuniyyətinə görə müəyyən olunmuş qaydada və məbləğdə kompensasiya ödənilir.”.

II. Bu Qanun dərc edildiyi gündən qüvvəyə minir.

İlham Əliyev

Azərbaycan Respublikasının Prezidenti

Bakı şəhəri, 3 mart 2006-cı il

Xəbəri sosial şəbəkələrdə paylaşın

Bizi sosial şəbəkələrdə izləyin