ELM VƏ TƏHSİL
Azərbaycanlı alim Portuqaliyada elmi görüşlərdə iştirak edib
Porto, 19 iyun, AZƏRTAC
Azərbaycan Milli Elmlər Akademiyasının (AMEA) İnformasiya Texnologiyaları İnstitutunun direktoru, akademik Rasim Əliquliyev Portuqaliyada GEANT təhsil layihəsi çərçivəsində görüşdə və “Terena Netvorking 2015” konfransında iştirak edib.
GEANT layihəsinə 36 Avropa ölkəsindən elmi tədqiqat və təhsil müəssisələri daxildir. AMEA-nın İnformasiya Texnologiyaları İnstitutu bu layihədə Azərbaycanı təmsil edir. Bu əməkdaşlıq nəticəsində “AzScienceNet” təhsil şəbəkəsi yaradılıb.
“Terena Netvorking 2015” konfransı GEANT tərəfindən Porto şəhərində təşkil olunub və Avropanın nüfuzlu tədqiqat şəbəkələrindən 650 nümayəndənin iştirakı ilə keçirilib.
Aygün Əliyeva
AZƏRTAC-ın xüsusi müxbiri
Porto