ELM VƏ TƏHSİL
Azərbaycanlı alimin məruzəsi Bosniya və Herseqovinanın nüfuzlu saytında yerləşdirilib
Bakı, 3 dekabr, AZƏRTAC
Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun əməkdaşı, filologiya üzrə fəlsəfə doktoru, dosent Əkrəm Bağırov Bosniya və Herseqovinanın paytaxtı Sarayevo şəhərində elmi ezamiyyətdə olub.
İnstitutdan AZƏRTAC-a bildiriblər ki, Əkrəm Bağırov ezamiyyət müddətində böyük Azərbaycan şairi İmadəddin Nəsiminin 650 illik yubileyi ilə bağlı Sarayevo Universitetində məruzə ilə çıxış edib. Azərbaycanlı alimin elmi məruzəsi ölkənin ən nüfuzlu Federal Xəbərlər Agentliyində (FENA) işıqlandırılıb.
Qeyd edək ki, FENA agentliyi Bosniya və Herseqovina hökumətinin qərarı ilə 2000-ci ildə BH Press və Habena agentliklərinin birləşdirilməsi əsasında yaradılıb. Agentlik ölkədə əsas informasiya mənbələrindən biridir.