BDU-da fiziki-kimyəvi üsulların biotibbi tədqiqatlarda tətbiqi öyrənilib
Bakı, 28 dekabr, AZƏRTAC
Bakı Dövlət Universitetində (BDU) keçirilən seminarda Biofizika və biokimya kafedrasının müdiri professor Rövşən Xəlilov Biotibbi tədqiqatlarda müasir fiziki-kimyəvi üsulların tətbiqi barədə danışıb.
Bu barədə AZƏRTAC-a BDU-dan məlumat verilib.
Alim son illərdə canlı sistemlər üzərində elmi-tədqiqat işləri aparıb. O, professor-müəllim heyəti, magistrant və doktorantların iştirak etdiyi seminarda apardığı tədqiqatlarda əsasən elektron paramaqnit rezonans spektroskopiyası, keçirici elektron mikroskopiyası, skanedici elektron mikroskopiyası, Messbauer spektroskopiyası kimi müasir metodları tətbiq etdiyini diqqətə çatdırıb. Stres amillərin canlı sistemlərə təsiri zamanı onlarda maqnit xassələrinin yaranmasının aşkarlanması elmi əsaslarla şərh olunub.
R.Xəlilov alınan nəticələrin biotibdə tətbiqinin perspektivləri barədə məlumat verib.
Bölmənin digər xəbərləri
