Biz, artıq ölkəmizin idman hərəkatının inkişafında öz sözünü demiş, ahıl idman mütəxəssisləri 2003-cü il mayın 22-də keçirdiyimiz toplantıda respublikanın idman xadimləri, təşkilatçıları, məşqçiləri, hakimləri, jurnalistləri, müəllimləri, ümumiyyətlə bütün idmançıları adından bu il oktyabrın 15-də keçiriləcək prezident seçkilərində Heydər Əlirza oğlu Əliyevin namizədliyini dəstəkləyəcəyimizi bəyan etmişik. Çünki biz bu fədakar insanı, son dərəcə vətənpərvər şəxsiyyəti 34 ildir ki, yaxından tanıyırıq və onun şücaətinin, qətiyyətinin, əzmkarlığının, fədakarlığının canlı şahidləriyik. Onun əməyinin bəhrəsi isə göz qabağındadır.

Hörmətli Prezidentimiz Heydər Əliyevin Türkiyədə müayinəsi ilə əlaqədar yalan, böhtan dolu xəbərlər dərc edən “Yeni musavat”, “Azadlıq”, “Hürriyyət” və müxalifətin himayəsində olan bu tipli qəzetlərə, belə cızmaqaralara rəvac verənlərə üzümüzü tutub deyirik: Arzunuz gözünüzdə qalacaq, məramınız puç olacaq. Siz bir daha xalqı aldada bilməyəcəksiniz!

Biz, idman veteranları ümidvarıq ki, müdrik xalqımız növbəti prezident seçkilərində də dağıdıcı müxalifətə “yox”, möhtərəm Prezidentimiz Heydər Əliyevin namizədliyinə “H.Ə.” deyəcəkdir.

Biz Azərbaycanın müvafiq orqanlarından tələb edirik ki, ölkəmizdə sabitliyi pozmağa cəhd göstərən, xalqımızı çaşdıran mətbuat orqanları barəsində qanunlar çərçivəsində tədbirlər görsün, hətta yollarını azanları, hədyan-böhtan yazanları çəzalandırsınlar.

Biz, idman veteranları ölkəmizin Prezidenti Heydər Əliyevin daxili və xarici siyasətini dəstəklədiyimizi bir daha bəyan edirik.

Əbdül Sadıqov- İdman Veteranları İttifaqının sədri

Sabir Hüseynov- SSRİ idman ustası, dəfələrlə ölkə çempionu

Zeynəb Rzayeva- Böyük Vətən müharibəsi iştirakçısı, əməkdar idman xadimi

Tofiq Abbasov- Böyük Vətən müharibəsi iştirakçısı, SSRİ-nin əməkdar məşqçisi

Boris Kapiani-SSRİ idman ustası, boks üzrə beynəlxalq dərəcəli hakim

Ələkbər Məmmədov- futbol üzrə 4 dəfə SSRİ çempionu, ADNA-nın professoru

Arif Ələkbərov- SSRİ idman ustası, sambo üzrə beynəlxalq dərəcəli hakim

Adil Cəfəroğlu- SSRİ idman ustası, veteranlardan ibarət respublika yığma komandasının baş məşqçisi

Üzeyir Abdullayev- dama oyunu üzrə dünya çempionatının qalibi, 33 dəfə ölkə çempionu

Ziba Ələsgərova- əməkdar idman ustası, yüngül atletika üzrə dünya rekordçusu

Ələddin Şabanov- SSRİ idman ustası, respublika Velosiped Federasiyasının vitse-prezidenti

Lyudmila Şubina- SSRİ əməkdar idman ustası, Olimpiya çempionu

Alkivaad Pavlidi- SSRİ idman ustası, respublikanın əməkdar məşqçisi

Ehsan Kərimov – SSRİ-nin əməkdar məşqçisi, güləş üzrə beynəlxalq dərəcəli hakim

Sara Sultanova – SSRİ idman ustası, stolüstü tennis üzrə respublika dərəcəli hakim

Camal Yaqubov – SSRİ idman ustası, “Maarif əlaçısı”

Rəşid Əliyev – SSRİ idman ustası, ATU-nun professoru