ÇİNAR MEŞƏSİ MƏHV EDİLİR
Ekologiya və Təbii Sərvətlər Nazirliyindən AZƏRTAC-a bildirmişlər ki, ermənilər Zəngilan rayonundakı dünya şöhrətli çinar meşəsini məhv edirlər. Avropada yeganə təbii çinar meşəsi olan Bəsitçay Dövlət Təbiət Qoruğu Rəzdərə kəndinə bitişik vadidə yerləşirdi. Rayon 1993-cü ildə işğal edildikdən sonra ermənilər burada ağac emalı zavodu tikərək mebel istehsalına başlamışlar. Nankor qonşular bu nadir təbiət incisini yer üzündən silmək, törətdikləri vəhşiliyin, cinayətin izini itirmək üçün ağacların kökünü dinamitlə partladaraq, üstünü torpaqlayırlar.
Beynəlxalq qurumlar isə dəfələrlə müraciət edilməsinə baxmayaraq, ermənilərin xalqımızın milli varlığına, mədəniyyətinə, təbiətinə qarşı yönəlmiş belə cinayətlərinə laqeyd yanaşmaqda davam edirlər.
Bölmənin digər xəbərləri
