DONETSKDƏ MİLLİ KULİNARİYA BAYRAMI
AZƏRTAC-ın xüsusi müxbiri xəbər verir ki, avqustun 24-də, Ukraynanın Müstəqillik günündə Donetskin mərkəzində milli kulinariya bayramı keçirilmişdir.
Donbasda yaşayan 15-dən çox milli cəmiyyət, o cümlədən Azərbaycan diasporunun nümayəndələri öz mətbəxlərini təqdim etmişlər.
Həmyerlilərimiz milli geyimlərdə gələnlərə məşhur Azərbaycan yeməkləri - dolma, aş, kabablar və digər yeməklər, şərbət və sərin ayran təklif etmişlər. Bayram iştirakçıları Azərbaycan mətbəxinin nümunələrinin reseptləri ilə də yaxından maraqlanmışlar.
Bayram milli mahnılar, rəqslərlə müşahidə olunmuşdur.
Donetsk Şəhər Dövlət administrasiyasının sədri Aleksandr Lukyançenko Donetskin ictimai həyatına, milli adət-ənənələrin qoprunub saxlanmasına böyük töhfəyə görə milli cəmiyyətlərə təşəkkürünü bildirmişdir.
Bölmənin digər xəbərləri
