Gənclər həmin günü heç vaxt unutmamalıdır
Bakı, 20 yanvar (AZƏRTAC). Həmin gün bizim qan yaddaşımızdır. Gənclər o günü heç vaxt unutmamalıdır.
Bu sözləri AZƏRTAC-a müsahibəsində Şəhidlər xiyabanını ziyarətə gələn Suraxanı rayon 108 nömrəli məktəbin şagirdi Fuad Kazımov söyləmişdir. Bildirmişdir ki, 1990-cı il yanvarın 19-dan 20-nə keçən gecə Azərbaycan xalqına, dinc əhaliyə qarşı təcavüz edilmişdir. Hər bir Azərbaycan övladı, gənci, Vətənini sevən insan həmin günü xatırlamalıdır. Həmin gün həm faciəli, həm qəhrəmanlıq tariximizin yazıldığı bir gündür. Azərbaycan xalqının tarixinə Qanlı Yanvar faciəsi kimi daxil olmuş 1990-cı ilin 20 Yanvar hadisələrində Vətən uğrunda şəhid olanların xatirəsini daim ehtiramla yad etmək və onları unutmamaq gənclərin borcudur. Ən ağır sınaqlara sinə gərərək azadlıq yolunda özünü qurban vermiş şəhidlərimizin fədakarlığı bizlər, bugünkü və gələcək nəsillər üçün qəhrəmanlıq nümunəsidir.
Bölmənin digər xəbərləri
