Heç kim və heç nə unudulmur
Bakı, 23 fevral, AZƏRTAC
Fevralın 25-də Cəfər Cabbarlı adına Azərbaycan Dövlət Teatr Muzeyində E.Mirzəyev adına 6 nömrəli xüsusi internat məktəbi və Xəzər rayon Türkan qəsəbə mədəniyyət evi ilə birgə Xocalı faciəsinin 23-cü ildönümü münasibətilə “Heç kim və heç nə unudulmur” adlı tədbir keçiriləcək.
Muzeydən AZƏRTAC-a bildirilib ki, tədbirdə E.Mirzəyev adına 6 nömrəli xüsusi internat məktəbinin şagirdlərinin ifasında Xocalı faciəsinə həsr olunmuş şeir kompozisiyası, vətənpərvərlik mövzusunda mahnılar səslənəcək, muzey tərəfindən hazırlanmış videoçarx nümayiş olunacaq.
Tədbirdə Xocalı faciəsinin şahidləri, Azərbaycan Maliyyə və İqtisad Kollecinin tələbələri, paytaxt muzeylərinin əməkdaşları iştirak edəcəklər.
Bölmənin digər xəbərləri
