DÜNYA
İşgüzar adamlar üçün Britaniya ulduz falı (20-26 fevral)
QOÇLAR bu günlər xirtdəyəcən işin içində olacaqlar. Ay və Venera uzun müddət əlçatmaz olan uğur qazanmağınıza əlverişli şərait yaradır. Rəhbərlik sizdən razı qalacaqdır. Amma həmkarlarınıza yardım əli uzatmasanız işləriniz əngələ düşə bilər. Buna baxmayaraq, səylərinizi boş yerə xərcləməməyə çalışın.
BUĞALARIN bütün işlərinin aqibəti müəmmalıdır. İstədiyinizi əldə etmək asan olmayacaqdır. Söhbət öz fikirlərinizi ifadə etmək bacarığından getmir. Sadəcə, kimsə artıq sizi dinləmək istəmir. Anlaşılmazlıq divarını sökməyə çalışmayın, sadəcə, ondan yan keçin. Astroloqlar sizə təmiz havada dolaşmağı, idmanla məşğul olmağı tövsiyə edirlər.
ƏKİZLƏR bu həftə parıldayan hər şeyin qızıl olmadığını unutmamalıdırlar. İlkin təəssürat sizi yanlış yola sala bilər. Cəsarətlə istədiyiniz layihəyə başlaya, yeni ideyaları reallaşdıra bilərsiniz. Keçdiyiniz yolla bağlı şübhə və tərəddüdlərin həyatınızı zəhərləməsinə imkan verməyin: olan olub, keçən keçib. Öz intuisiyanıza güvənsəniz, istədiyiniz nəticə sizi çox gözlətməyəcəkdir.
XƏRÇƏNGLƏRƏ astroloqlar mühüm qərarları tələsik qəbul etməməyi məsləhət görürlər. İndi hədəfi düzgün seçmək, qüsursuz hərəkət etmək lazımdır. Riskli addımları daha münasib vaxtlara saxlayın. Tərəfdaşlarla yaxından tanış olmaq üçün vaxtınıza qənaət etməyin. Yalnız ümumi dil tapdıqdan sonra niyyətlərinizi açıqlayın. Əgər bir kənara qoyduğunuz layihələr varsa, onları təkrar gündəmə gətirməyin əsl zamanıdır.
ŞİRLƏRƏ yaxın günlərdə Ay himayədarlıq edəcəkdir. Diqqətinizi daha çox kollektiv işə verin. Birlikdə sanballı nəticələr əldə edə bilərsiniz. İşgüzar tərəfdaşlar etibarlı olduqlarına sizi bir daha inandıra biləcəklər. Qətiyyətli və cəsarətli addımlardan çəkinməyin. Onlar sizə yaxşı dividendlər qazandıracaqdır.
QIZLARA ulduzların xüsusi kombinasiyası peşələrində uğur gətirəcəkdir. Hətta ikinci dərəcəli rol oynasanız belə, son bir neçə həftədə görə bilmədiyiniz qədər işin öhdəsindən gələcəksiniz. Bu, sizdən böyük səy tələb edəcəkdir, lakin buna dəyər, çünki nəticə ümidlərinizi doğruldacaqdır, bəlkə də gözlədiyinizdən qat-qat artıq olacaqdır.
TƏRƏZİLƏR bu həftə ümidsizliyə qapılacaqlar. Ruhdan düşməyin. Öz hisslərinizdən baş çıxarmağa çalışın. Sizi məhz hansı problemin narahat etdiyini aydınlaşdırmağa çalışın. Yalnız fiqurların düzülüşünü aydın başa düşdükdən sonra hərəkət edin. Başqalarından kömək gözləməyin. Uğur qazanmaq yalnız özünüzdən asılı olacaqdır.
ƏQRƏBLƏR üçün Marsın təsiri yaxın günlərdə həlledici rol oynayacaqdır. Strategiyanızı 180 dərəcə dəyişdirməyiniz qarşınızda heyrətamiz üfüqlər açacaqdır. Ad-san məsələlərində çox diqqətli olmalısınız. Hər bir işə ciddi yanaşın. Məsuliyyət hissiniz və çalışqanlığınız diqqətsiz qalmayacaq və yüksək qiymətləndiriləcəkdir. Yaxın perspektiv sizə çox şeylər vəd edir. Siz mütləq ölçülüb-biçilmiş qərarlar qəbul edəcəksiniz.
OXATANLAR işgüzar tərəfdaşların yardımından imtina etməməlidirlər. Unutmayın ki, bəy verən atın dişinə baxmazlar. Hələ ki həyatınızda qeyri-müəyyənlik hiss edirsiniz. Kənar məsləhətlərə dırnaqarası baxmayın. Müstəqil hərəkət etməyə çalışmayın. Yox əgər qərarınız qətidirsə, onda kifayət qədər “yanacaq” ehtiyatınız olmalıdır. Xırda detallara qarşı diqqətli olun. Əsas işinizin aqibəti məhz onlardan asılıdır.
OĞLAQLARIN karyerası yüksəlişdədir. Maddi ümidləriniz özünü doğruldacaqdır. Həyatdan nə istədiyiniz aydın başa düşəcəksiniz. Təəssüf ki, şəxsi həyatda problemlər müşahidə olunacaqdır. Ortaya çıxan əngəllər vaxtınızı və gücünüzü alacaq, sizi hövsələdən çıxaracaqdır. Doğmalarınıza sürpriz etməyi çoxdan planlaşdırırsınız. Bunun üçün əsl məqam indi yetişibdir.
DOLÇALARA astroloqlar perspektiv planlar barədə düşünməyi məsləhət görürlər. Fasilə götürün, işlərinizi təxirə salın, hər addımı yüz-ölçüb biçin. Əgər belə bir imkanınız yoxdursa, planlarınızı düşünmək üçün maşın sürmək istisna olmaqla tək qaldığınız hər məqamdan istifadə edin. Təcrübə və fərasətiniz sizə doğru addımları diktə edəcəkdir. Marşrutu düzgün seçməklə siz yolunuzdakı bütün əngəl və maneələri asanlıqla aradan qaldıracaqsınız.
BALIQLAR yolun yarısından qayıdıb, işlərini yarımçıq qoymasalar Ayın və Veneranın himayədarlığı ilə sanballı pul mükafatı alacaqlar. Amma çoxlu tər tökməli olacaqsınız. Məyus olmayın. Onsuz da öyrəşmiş cansınız. Axı, uğur qazanmağınızın əsas şərtləri inadkarlığınız, özünə inam hissiniz və çalışqanlığınızdır. Dönüb ətrafınıza baxın. Ola bilsin, məqsədiniz təkcə sizin hədəfiniz deyildir. Rəqibinizin olması planlarınıza lazımlı düzəlişlər etməyə vadar edəcəkdir.