İsmayıllıda yaralı hərbçilərlə görüş olub
İsmayıllı, 28 noyabr, AZƏRTAC
İsmayıllıda torpaqlarımızın azadlığı uğrunda döyüşlərdə yaralanan və hazırda evlərində müalicəsini davam etdirən 2 nəfər hərbçi ilə görüş olub.
AZƏRTAC-ın bölgə müxbiri xəbər verir ki, rayon icra hakimiyyətinin təşəbbüsü ilə keçirilən görüşdə hərbçilər göstərilən diqqətə görə təşəkkürlərini bildirib, ziyarətə gələnlərin istəyini nəzərə alaraq öz döyüş təəssüratlarından danışıblar. Hərbçilər Prezident, Müzəffər Ali Baş Komandan İlham Əliyevin rəhbərliyi ilə qazanılan Böyük Qələbənin Azərbaycan hərb tarixində xüsusi səhifə təşkil etdiyini söyləyiblər.
Ziyarətə gələnlər Vətən müharibəsi başlayan gündən ismayıllıların həm ön cəbhədə, həm də arxa cəbhədə ordumuza dəstək olduqlarını söyləyib, hərbçilərin qayğıları ilə maraqlanıblar.
Bölmənin digər xəbərləri
