İSRAİLDƏ AZƏRBAYCAN GÜNLƏRİ KEÇİRİLƏCƏKDİR
AZƏRTAC xəbər verir ki, aprelin sonunda Azərbaycanda “İsrail mədəniyyəti günləri”, mayın sonlarında isə İsraildə “Azərbaycan günləri” keçiriləcəkdir.
Bu barədə məlumat verən İsrail Azərbaycanlıları Konqresinin sədri Aleks Şapiro Suliman bildirmişdir ki, “Azərbaycan günləri” çərçivəsində Azərbaycan xalqının ümummilli lideri Heydər Əliyevin 85 illik yubileyi və Azərbaycan Demokratik Cümhuriyyətinin yaranmasının 90 illiyi qeyd olunacaqdır. Mərasimlərdə Azərbaycanın və İsrailin rəsmi şəxsləri, deputatlar və diaspor nümayəndələri iştirak edəcəklər.
Aleks Şapiro Suliman vurğulamışdır ki, bu cür tədbirlər ölkələrimiz arasında əlaqələrin inkişafında mühüm rol oynayacaqdır.
Bölmənin digər xəbərləri
