KİYEVDƏ “DİL PALİTRASI”
AZƏRTAC-ın xüsusi müxbiri xəbər verir ki, fevralın 21-də Beynəlxalq ana dili günü çərçivəsində Ukrayna Müdafiə Nazirliyinin Mərkəzi Mədəniyyət evində “Dil palitrası” mədəni-yaradıcılıq aksiyası keçirilmişdir. Mədəniyyət və Turizm Nazirliyinin keçirdiyi tədbirdə Azərbaycan, Belarus, gürcü, macar, yəhudi, moldova, alman, rus və digər diasporların nümayəndələri iştirak etmişlər.
Ölkəmizi konsertdə Ukrayna Azərbaycanlıları Konqresinin “Azərbaycan” kvinteti uğurla təmsil etmişdir. Kvintet Tofiq Quliyevin “Qızıl üzük” mahnısını səsləndirmişdir. Ukraynanın əməkdar artisti Qurban Abbasov “Qartal” mahnısını, gənc Sevda Aslanova Ukrayna dilində şeir, bir çox müsabiqələrin laureatı Səbinə Tağıyeva dövlət dilində “Miy kray-Azerbaydjan” mahnısını ifa etmişlər.
Bölmənin digər xəbərləri
