Köln şəhərində Xocalı yürüşü keçiriləcək
Berlin, 5 fevral, Vüqar Seyidov, AZƏRTAC
Xocalı soyqırımının 23-cü ildönümü ilə bağlı fevralın 22-də Almaniyanın Köln şəhərində yürüş keçiriləcək.
Bu barədə məlumatı AZƏRTAC-a Alman Azərbaycan Mədəniyyət Evinin icraçı katibi Rəşad Quliyev verib. O bildirib ki, yürüş-mitinq Kölndəki Dom Kilsəsinin önündə start götürəcək. Aksiyaya dəstək vermək məqsədilə Alman Azərbaycan Mədəniyyət Evi bu ölkədə yaşayan soydaşlarımıza müraciət edib. Yürüş-mitinqi keçirməkdə məqsəd dünya birliyinin diqqətini Xocalıda baş verən cinayətə cəlb etməkdir.
Rəşad Quliyev deyib ki, aksiya “Xocalıya Ədalət” kampaniyası çərçivəsində keçiriləcək.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
