SİYASƏT
KOMİDƏ YAŞAYAN SOYDAŞLARIMIZ BİRLƏŞİRLƏR
AZƏRTAC-ın Komi Mədəniyyət və Milli Siyasət Nazirliyindən aldığı xəbərdə bildirilir ki, yığıncağın keçirilməsindən məqsəd “Azərbaycan” regional milli mədəniyyət muxtariyyətinin Sıktıvkar şöbəsini yaratmaqdır. Bu muxtar qurum 1998-ci ildən Uxtada fəaliyyət göstərir. Bundan əlavə, Vorkutada “Karvan” adlı milli birlik yaradılmışdır. 2004-cü ildə “Azərbaycan” milli mədəni muxtariyyətinin Usinsk şəhərində də şöbələr açılmışdır. İndi “estafeti” Sıktıvkar azərbaycanlıları qəbul etmişlər.
Birliyin yaradılmasının təşəbbüsçülərindən olan Rafiq Bəhədov demişdir ki, Komi paytaxtında yaşayan azərbaycanlılar mütəmadi görüşmək, tarixi günləri və bayramları birlikdə qeyd etmək, övladlarına öz ana dilini öyrətmək və Azərbaycan mədəniyyətini bu respublikada təbliğ etmək istəyirlər.
Həmçinin bildirilir ki, Azərbaycan diasporu respublikada kifayət qədər fəaldır və milli mədəni muxtariyyətlərin tədbirlərində daim yaxından iştirak edir.
Nazirliyin məlumatına görə, hazırda Komi Respublikasında 5 mindən çox azərbaycanlı yaşayır.